مقالات

قصص تروى .. وروايات لا تنتهي .. في ظل معاناة يعانيها الأسرى والأسيرات الفلسطينيين ، من قبل محتل لا يملك أخلاقاً ولا ذمه ..

2026-05-24 19:39:22

وحوشاً بشرية تفتك بالبشر المكبلة بالقيود.

ومقابل ذلك عزيمة فلسطينية.. تكسر كل القيود.. وتواجه كل التحديات بصبراً وصلابة .. وعزيمة لا تنكسر.

ونحن اليوم من اليمن ومن باب الواجب والتحمل للمسؤولية .. من كاتبات ملتقى الكاتبات الثائرات نقف لنلتمس هذه المعاناة وأن كانت إلا من جانب بسيط من ما يتعرضوا له من ظلم إضطهاد وقمع.

نقف هذه الوقفة في حوار من الحوارات المستمرة التي يجريها ملتقى الكاتبات الثائرات نجري اليوم حوار يلامس معاناة الأسرى الفلسطينيين ويعيش واقعهم في تفاصيل تحكيها لنا ضيفتنا العزيزة الحاضرة معانا اليوم :

الأسيرة الفلسطينية المحررة "مريم ابو دقه" القيادية في الجبهة الشعبية.

رتب وأعد لهذا الحوار نائبة ملتقى الكاتبات الثائرات/راية الإسلام

⭕⭕

بداية هذا الحوار نرحب بكِ ضيفتنا العزيزة أهلاً وسهلاً ونتشرف بتواجدكِ معنا :

🛑🛑

⬇️⬇️⬇️

أولًا مساء الخير لكم جميعًا وتحية حارة واسمحوا لي أن أحيي أرواح شهدائنا وشهيداتنا الأبرار والحرية لأسرانا وأسيراتنا الأبطال والشفاء العاجل لجرحانا وجريحاتنا والنصر لشعبنا أكيد على المستعمر الغاصب.

الحركة النسوية كانت شريك رئيسي منذ الغزو الصهيوني وطبعًا قبل ذلك الغزو أو الاحتلال البريطاني، هم بقولوا انتداب بس هو احتلال لأنه هو اللي مهد لدولة الكيان الصهيوني.

منذ ذلك الوقت، يعني الآن عمر هذا التاريخ 100 عام والمراة الفلسطينية شريك، استشهدت واعتُقلت وطوردت وأُبعدت وما زالت وأيضًا مقاتلة وطبيبة ومهندسة شاركت بكل أشكال النضال. أما وعنواننا هو عن الأسيرات، خلينا نحصر الموضوع على الأقل من يعني وعد بلفور 1917 إلى وقتنا هذا.

عدد النساء الفلسطينيات المناضلات طبعًا اللي دخلوا السجون الإسرائيلية وتحرروا 18,000 أسيرة محررة، والآن 95 أسيرة في داخل السجون، منهم فتيات صغار ومنهم أمهات، وحتى في امرأة يعني حامل في داخل السجن، وجريحات، يعني كبار السن، الاحتلال كان له قصد من البداية أنه يعتقل النساء الفلسطينيات، أولًا لكونهم مناضلات، ثانيًا بيعتبر قضية المرأة في المجتمع الفلسطيني قضية حساسة فكان بده يرعب المجتمع الفلسطيني، خاصة إنه إذا اعتقلت بنت ممكن يقولوا إيش صار يعني لهاي البنت، أكيد الاحتلال عمل لها شي، وتحديدًا أنتم بتعرفوا العادات والتقاليد والمفاهيم المجتمعية اللي كانت، لكن مجتمعنا صفع الاحتلال على وجهه بأنه كرم الأسيرات وكانوا يعتبروا كل أسيرة هي بطلة ويحتضنوها ويدعموها وإلى آخره. يعني ارتد هذا الشيء العمل اللي كان يقصد الاحتلال إنه يرعب ويرهب المجتمع الفلسطيني إنه نسائنا أصبحوا قدوة في النضال وأبطال وأصبحوا يقتدين الصبايا بالبطلات الأوائل اللي تم يعني اعتقالهم وتعذيبهم وإلى آخره.

هذي يعني الأرضية اللي فتحت المجال لمشاركة النساء لأن المرأة طبعًا نصف المجتمع، بل هي كل المجتمع، هي نصف بعدد سكان الأرض وهي اللي تلد النصف الآخر وتربيه، فكانت ترضع أبناءها حليب الثورة وتشجعه في الانخراط في النضال للدفاع عن بيته وعن أهله وعن ناسه وعن ذاته، وبنفس الوقت هي بتعتبر إنه ابنها غالي جدًا عليها ولكن الوطن أغلى، لأنه طول ما في احتلال ابنها مش ملكها ولا بنتها ولا هي ملك نفسها ولا أرضها ولا بيتها ولا أي شيء. فكان هذا مبرر موضوعي أن تساهم النساء الفلسطينيات بجبهة المقاومة بكل الأزمان وتطورت إلى أن وصلت إلى ما وصلت إليه الآن بالمشاركة في كل مجالات النضال الوطني. النضال مش محصور فقط بحمل البندقية بل بالشعر، بالثقافة، بالنضال العسكري، بالمطاردة، بالاعتقال، بالإعلام، بالطب، بكل مجالات العمل شاركت وتشارك وستبقى المرأة الفلسطينية رمزًا حقيقيًا في المشاركة النضالية حتى تحرير الأرض والإنسان. هذي مقدمة بسيطة آمل إنه أسمع أسئلة أخرى وأتوسع في هذا العنوان."

⭕⭕ ملتقى الكاتبات الثائرات يتوجه لدكتوره مريم ابو دقه قائلاً :

حدثينا عن واقع تجربتك في السجن وكيف كانت المعاملات وكيف كانت عزيمة الأسرى والأسيرات داخل السجون وكيف واجهتم السجان داخل سجونه ، ضيفتنا العزيزة المجال مفتوح لكم لتروي لنا واقعكِ الذي عشته داخل المعتقل الصهيوني ، وكيف تحررتي منه

الكلام لكي تفضلي :

🛑🛑

⬇️⬇️⬇️

طبعًا البداية كان تنافس شديد لأنه كان الاحتلال يمارس قمع كثير كبير على أهلنا في بداية الاحتلال، وكان جديد علينا، فكانوا الأهل وجماهيرنا يطلعوا بمظاهرات يعني تأييد للمعتقلين ومطالبة بحريتهم، وكانت يعني الروح المعنوية عالية جداً لناسنا لأنه الاحتلال يعني قتل أهلنا وإلى آخره.

كانت المحاكم لما يعملوا لنا محكمة أنا مثلاً محكمتي عسكرية كانت وكان المحامي ممنوع يدافع، بيحضر المحكمة بس ممنوع يدافع أو يحكي، فمطلوب من المعتقل هو اللي يدافع عن نفسه وبيجوا جمهور من غزة. أنا بصراحة كنت يعني طفلة ولكن كنت بحمل عقل أكبر من عقلي، أول اعتقال اعتقولوني ست شهور ومع غرامة ومع وقف التنفيذ لمدة شهر طلعت، بعدين عملوا لي محكمة وحكموني سنتين، وبعد ما خلصت حكمي أبعدوني رموني على الحدود بين الأردن وفلسطين. الأردن ما خلتني أفوت لأنه ما معي أي وثيقة إلا وثيقة المحكمة الإبعاد ولا يرجعوني على غزة، وبعد 11 يوم خطفوني المناضلين ورحت على الأردن وكملت مسيرتي النضالية في صفوف الجبهة الشعبية لتحرير فلسطين حتى يومنا هذا.

طبعاً كانت سياسة الإبعاد الإبعاد باعتبارها اقتلاع الإنسان من أرضه، وبنفس الوقت اعتدوا على صبايا والآن أشد مرحلة وأعقد مرحلة بعد طوفان الأقصى اعتدوا على حسب تقارير يعني الوكالات الدولية الأممية خمس وكالات أممية منظمات أممية كتبت وأعلنت عن هذا الموضوع، والمشكلة مش فقط الاعتداء الجنسي على نساء كمان على الرجال، وأنتو سمعتوا عن أسطول الصمود للأجانب اللي اعتدوا عليهم جنسياً غير البهدلات غير منع الزيارات غير سحب كل الامتيازات الحركة الأسيرة ناضلت نضال شديد حتى دخلوا لهم إحرامات لأنه برد قارص في الشتاء وحر موت في الصيف.

وبنفس الوقت يعني كثير من الأسرى والأسيرات ماتوا من السجن الآن حوالي أقرب من طوفان الأقصى لهلا 90 أسير توفوا في داخل السجن من الإهمال الطبي ومن التعذيب ويعني صاروا يدربوا كلاب يغتصبوا الأسرى في السجون وهذا حكوا عنها كمان من الأسرى اللي طلعوا من السجون.

بصراحة المرأة تحملت كثيراً ولدوا نساء بالسجون إحنا كان عندنا ثنتين خلفوا بالسجن بطريقة قاسية طبعاً طبيب مش طبيبة وبكتفوها وبدون أي عناية وطفلها بياخذوه بعد ما تولده هم بياخذوه عندهم بيحرموها هي تحتضن ابنها. أطفال اعتقلوا بنات من مقاعد الدراسة وشباب عندنا يمكن سمعتوا بأحمد مناصرة اللي طبعاً صار عنده حالة نفسية، وبدي أقول لكم فش مريض طلع فش أسير طلع إلا ما طولش كثير واستشهد إذا ما استشهد بالسجن بيستشهد بره لأنه بكون أُنهك مرضياً وجسدياً ونفسياً. أنا لحتى الآن وكلنا بنعرف بعض اللي بكون بالسجن وبشوف واحد ثاني كان بالسجن بعرفه من سلوكه.

بنكره كل إشي مغلق بنكره كل إشي بذكرنا بأكل السجن العدس والفاصوليا اللي بتشوفي حبتين عدس ولكن بدك ميكروسكوب لتشوفي إذا بتلاقي حبة عدس الذبان الخبز بكون فيه صراصير، العيد فش عيد طبعاً رمضان كانوا يعملوا لنا مشكلة لما بنصوم رمضان وأكل ما لوش علاقة يعني في رمضان ورغم ذلك كنا نعمل إضرابات في داخل السجن، كنا نؤلف نكتب قصص قصائد يعني أنا كنت أكتب قصائد شعر وقصص لزميلاتي في داخل السجن.

كنا نلاقي لنا كانوا يشغلونا كمان بالسجن عشان يستفيدوا منا وبنفس الوقت اللي بتخالف يعني إحنا ما كناش ننصاع لهم، يتلفظوا علينا هدول المجرمات هدول الإرهابيات يجيبوا لنا جنائيات في السجن لكن ما كناش نخليهم يناموا بالسجن بدل ما يخوفونا كنا نخوفهم. وبصراحة السجن ربانا علمنا الصبر وسع مداركنا كبرنا بدون أوان وحملنا راس أكبر من راسنا، وانقلب السحر على الساحر إحنا كنا بالسجن بس كنا نحلم بالحرية فكنا أحرار، هم كانوا السجانين عندنا يعني يداوموا عندنا ولما يروحوا يحلموا فينا يحلموا بالسجن يخافوا إنه نهرب من السجن أو نعمل شيء. كانوا لما يعتدوا على صبية أو شاب كلنا نتوحد ضده نتعامل يعني بوحدة حال ما نسمحش إنه يستفردوا في بنت أو شاب.

وبنفس الوقت كنا نلاقي لنا طريقة إنه لما يسمحوا لنا بزيارات الأهالي أهلي مثلاً مش أهلي أنا بصيروا أهل كل الأسيرات وكذلك الأسرى، فصارت علاقات وثيقة جداً بين أهل الأسرى والأسيرات كأننا عائلة واحدة وكذلك يعني الشهداء. وبنفس الوقت الأسيرة بتطلع كل الناس بتحتفل فيها بطلة وبتكمل مشوارها وتُقدر وتُحترم يعني على تاريخها وعلى عطائها وبتاخذ موقعها يعني في النضال بين جماهير شعبنا.

أنا باعتقل كنت في المحكمة قلت أنا كنت بتمنى كل أبناء غزة وبنات غزة يدخلوا السجن عشان يشوفوكم على حقيقتكم أنتو جايين باسم إنه تحمونا بس أنتو خربتوا بيتنا واحتليتوا أرضنا وبدكم إحنا نحميكم أنتو فاشية ونازية من طراز جديد.

طبعاً يعني أنا أبعدوني وأنا عمري 17 سنة بعد اعتقال سنتين، 30 سنة وكثير من البنات اللي أبعدوهم وإحنا ما في أي صلة بيننا وبين أهلنا وكان كثير يعني وضعنا بدنا نعمل المستحيل للعودة، ورجعت بعد 30 سنة وبعد ما رجعت بتصريح الزيارة لأني مبعدة ممنوع أدخل الأرض المحتلة أنا وكل المبعدين ولكن دخلت واعتبروا دخولي غلط وطلبوا إني أغادر قلت لهم الموت ولن أغادر. وطبعاً لأني عضو مجلس وطني طلع لي رقم ودخلت لكن للأسف قبل الحرب كنت بره في مهمة في فرنسا لأعمل محاضرات حول المرأة الفلسطينية والشعب الفلسطيني فطردوني هناك في فرنسا وحكموني واعتقلوني وأبعدوني إلى القاهرة، والآن أنتظر العودة بفارغ الصبر إلى غزة لأنه مثل ما حكى الشهيد غسان كنفاني اللي ما إله وطن ما إله في الثرى ضريح.

أنا بعتقد تجربة السجن مرة وقاسية طبعاً بدنا مؤلفات ما بنحكي عن إيش صار وإيش بيصير الآن لكن يعني هذا كله موثق وكله موجود عندنا كل إحنا كنا موثقين في مركز دراسات المرأة عندنا كل أسيرة خليناها تكتب قصتها على دربناها على كتابة القصة قصتها هي إيش شافت سجلنا حوالي 70 قصة عن نساء يكتبوا عنهم وعن زميلاتهم وكنا ناويين ننزل كتب لكن أجت حرب الإبادة وانحرق المركز تبعنا أول إشي دمروه لكن حنرجع.

وطبعاً بدأوا كثير من الأسرى عندنا أسرى الآن الدفعة اللي طلعوا الآن أبعدوهم مثلاً عندنا أسرى عندهم 13 كتاب أو 14 كتاب، بنضالنا في السجن كثير خلصوا التوجيهي بالسجن وكثير عملوا دراسة جامعية وحتى الدكتوراه انفرضت، بس بعد حرب يعني طوفان الأقصى الآن أصبحوا في العزل أغلب القيادات والمؤثرين جداً وأصبحت وضع الأسرى من أعقد الأوضاع وفي أسرى غزة في أماكن مش معروف هم وين ولا أهلهم بيعرفوا هم أحياء أو أموات ويعني القضية جداً جداً معقدة وللأسف الشديد ما حدش يعني بيحكي أو بيشوف. كان 40 شلعوط من أسرى الاحتلال اللي كانوا بيقاتلوا ضدنا في غزة العالم كله اخرجوا رجعوا الأسرى الصهاينة، بينما 10 آلاف أسير بموتوا كل يوم أمام العالم ما حدش بيطالب فيهم.

وكمان بتذكروا أنتو مقولة وا معتصماه المرأة الآن لما 13 امرأة فلسطينية اغتصبوهم هذا بحسب يعني خمس منظمات أممية وبالتالي ماله يا عرب يا معتصمين يا معتصمات يا الله يا محمد ما حدا، الآن شوفوا تبعون أسطول الحرية كل الغرب انتفض عشانهم طيب والـ 10 آلاف أسير وأسيرة هدول مش بشر اللي بيصير مش معقول اللي بيصير مش ممكن ينفهم شعبنا بموت كله ومش بس اللي بالسجن، على فكرة كل أهل غزة الآن بسجن سجن كبير يا ريت حتى اللي بالسجن بجبوا له يأكل ويشرب هدول لا في أكل ولا في شرب.

⭕⭕ ملتقى الكاتبات الثائرات

ضيفتنا الكريمة حدثينا عن كيفية قضاء أوقاتكم داخل السجون المغلقة :

🛑🛑

⬇️⬇️⬇️

بالطبع، يعني حتى أكمل، ال.. كل أسير أو أسيرة هم قصة تبدأ ولا تنتهي وهذا دور كل المثقفين بصراحة يشتغلوا على أنا لما كتبنا مجموعة من قصص الأسيرات وقلنا للشباب كمان أنتم سيروا بنفس الشيء مالقيناش تمويل ولا حدا يساعدنا لنترجمه وننشره وطبعًا هاي أجت الحرب ضيعت كل شيء، لكن برضه إحنا مصرين لآنه نكمّل هاد المسيرة لآنه هؤلاء هم طليعة مجتمعنا الفلسطيني.

إحنا في ظرف كتير الآن حساس وخطير مش علينا، أنا قلت وبرجع أكد غزة هي البداية وهي الأمن القومي العربي، وهي البداية للهدف الصهيوني لاحتلال كل المنطقة العربية وتفتيتها والسيطرة على مواردها، وهم بدهم غزة عشان الغاز اللي في غزة وعشان الطريق بين قناة بن غوريون اللي يأمنوا الأمن القومي الأمريكي بمد أوروبا بمدها بالبترول والغاز اللي من غزة ومن لبنان تحديدًا. غزة فيها غاز قد اللي بالوطن العربي 10 مرات حسب تقديرات الخبراء.

القضية التانية إحنا يعني، طول ما إحنا في عندنا احتلال في معتقلين وفي شهداء مؤمنين بهاي القضية وسنكمل مشوارنا بغض النظر إحنا عارفين طريق الحرية والتحرير بده يعني شهداء وبده دم وبده معتقلين، لكن الحركة الأسيرة في إلها يعني حاضنة وشعبنا يحترم المناضلين والمناضلات بشكل يعني مش طبيعي.

وصارت عمليات كتير الجبهة الشعبية ومن فتح ومن الجبهة الشعبية القيادة العامة عمليات سواء خطف طائرات أو غيرها خطف جنود من أجل تحرير أسرى وحررنا يعني آلاف الأسرى بتبادل مع الاحتلال، وإن شاء الله اللي بقوا طبعًا بدنا نحي كل أسرانا في داخل السجون وخاصة يعني الأمين العام الرفيق أحمد سعدات اللي الآن في العزل ورفاقه ومروان البرغوثي وكل الإخوة والرفاق في سجون الاحتلال الصهيوني ونقول لهم معركتنا مستمرة حتى حريتكم.

إحنا برنامجنا مقاوم إحنا الجبهة الشعبية نختلف طبعًا إحنا وكل القوى المقاومة حماس والجهاد الإسلامي وجبهة المقاومة كل القوى في الجبهة الديمقراطية، إحنا في غرفة عمليات مشتركة في قطاع غزة والكل يعني بقاتل معًا.

وبنحي طبعًا اللي ساندونا الإخوة والمناضلين الشعب اليمني وقواته المسلحة وقيادته، كل التحية وكل الفخر إلنا في فلسطين وفي قطاع غزة لليمن الشقيق اللي يعني ما قصر مطلقًا بالعكس ضرب المثل الحي في الأخوة والتآزر لشعبنا في وقت تركنا وحدنا، وحتى الآن يعني أهلنا في غزة بموتوا كل لحظة وللأسف الشديد طبعًا يعني إحنا كنا نتمنى على رفاق الدرب سواء يعني حركة فتح في الضفة الغربية تحديدًا لآنه حركة فتح في غزة كانت جنبًا إلى جنب مع رفاقنا في الخندق الواحد، ولكن بالضفة الغربية والقيادة الفلسطينية بالسقف السياسي، سقف أوسلو هم منسجمين مع ذاتهم هم من الأساس وقعوا أوسلو إحنا معارضة كنا ومازلنا وسنبقى لآنه إحنا مؤمنين تمامًا إنه طريق التفاوض مع محتل استيطاني توسعي عنصري ولا للحقيقة الواقع هيك بقول هاد المحتل الغاصب لن يسلمنا شيء ولن يعطينا شيء، الضعيف مش ممكن حدا يعطيه شيء لن.. ما أخذ بالقوة لن يسترد إلا بالقوة كما قال الزعيم الخالد جمال عبد الناصر، وكما المقاومة يعني تؤكد ذلك كل يوم، الحق ينتزع ولا يعطى، إحنا بالسياسة عندنا خط واضح تمامًا، المقاومة طريقنا ولكن إحنا اللي بنحدد شكل النضال مش الاحتلال اللي بقررلنا إيمتى وكيف، لاء إحنا بنقول، لكن على أرضية توحيد الصف الفلسطيني على برنامج مقاوم. جربنا، جربت السلطة جربت 30 سنة مفاوضات رحنا بجهنم، الاحتلال سلب الأرض وعم يزحف لتدمير القدس والأقصى.

إذًا الآن مطلوب من كل القوى الفلسطينية مراجعة، بعد 100 سنة من النضال ليش لحتى الآن ما تحررنا رغم الإنجازات الكبيرة العسكرية رغم آلاف بل مليون أسير دخلوا السجون وطلعوا، عشرات الآلاف من الشهداء والجرحى والمفقودين هاد بدنا مراجعة وطنية وبدنا برنامج إجماع وطني على النضال والكفاح، وهذا يعني ضمنته لنا الشرعية الدولية إحنا الشعب الأخير في العالم اللي تحت الاحتلال والقوانين الدولية شرعت للشعب اللي بعيش تحت الاحتلال يناضل بكل الأشكال بما فيه الكفاح المسلح.

وأجى طوفان الأقصى ليقول إسرائيل المحتلة اللقيطة مش هي الجيش الذي لا يهزم، ولولا أمريكا إسرائيل ما أخذتش ساعات من المقاومة ولكن للأسف الشديد أمام انقسامنا إحنا جزء مع التفاوض فقط والنضال السلمي مش حتى بمعنى.. لا إحنا الآن بنقول لا لازم نتفق على برنامج الحد الأدنى كقوى وطنية فلسطينية لآنه الانقسام الاحتلال بغذيه وبدهش وحدة الشعب الفلسطيني مشان ينهي مشروعنا ويصفي، اللي بخوف المحتل هو وحدة الشعب الفلسطيني، لكن بدنا نتوحد على برنامج كفاحي نضالي بعد التجربة المرة وبعد ما حتى أوسلو سيء الصيت والسمعة اللي هم الآن بعترفوش فيه ولغوه، طب إحنا ليش نتمسك فيه؟

هادي نقطة وطبعًا إحنا بنقول كل أبناء الشعب الفلسطيني لازم يوحدوا صفوفهم وأبناء أمتنا العربية لآنه الهدف كل الأمة العربية مش بس يعني.. طبعًا الاحتلال يعني احتلال نازي فاشي متوحش وأنا بدي أقولكم رغم كل هاد التوحش وهاد العنف اللي بمارسه المحتل هي بتأشر لنهايته لآنه هو زي اللي بطلع الروح وبدافع عن آخر نفس إله، وإحنا متأكدين إن أصحاب حق وأصحاب الحق لازم يأخدوا حقهم.

الجيل اللي أبادوه والعائلات اللي أبيدت في غزة وفي الضفة الغربية هاد مش ممكن ينسى إطلاقًا، المرمطة اللي بعيشها شعبنا في الخيم الآن اللي كان عايش في بيوته في رزقه في ماله الآن الاحتلال سلب الأرض ودمر البيوت والمدارس وكل شيء، شو بدنا نحكي شو بدنا نحكي أو ما نحكي الوضع لا يمكن أن يتصوره إنسان، والآن رغم ذلك في الخيم بتعلموا أولادنا ورغم ذلك على.. في الشوارع المدمرة بحاولوا يعني يتزوجوا يعملوا أعراس ويتزوجوا مشان يعوضوا الشهداء، وبكون العيلة انمسح من الملف المدني، 4000 عائلة فلسطينية انمسحوا من السجل المدني هادول كيف كيف بده ينسوا؟

طبعًا الحالة النفسية الأمراض الأوبئة وإذا حتى بضلوا لعند هون بكون كويس لسا المشروع الإبادي مستمر رغم الكذبة الكبيرة اللي بسموها مجلس السلام، هي مجلس الزفت اللي جاي يعني يترأسه ترامب، ترامب خرب العالم وبعده بخرب العالم ومرعب العالم تحت شعار إنه جاي يعمل سلام وأنتم شايفين السلام الأمريكي والإسرائيلي التوأمة النازية الفاشية اللي بدها تدمر العالم، وطبعًا دخلوا بعد غزة لبنان وسوريا واليمن وهلأ إيران على أساس يعني قص الرأس رأس المقاومة لكن ارتدت عليهم وإن شاء الله النصر إلنا وإن شاء الله يعني شعبنا ومحور المقاومة سيكون هو المنتصر وتكون نهاية الإمبريالية ودولة الكيان اللقيط والضربة إحنا عنا مثل عربي بقول الضربة اللي ما بتقتلنا بتقوينا وإن شاء الله بنقوى بدعم كل الشرفاء في العالم.

بدنا نشكر كل اللي دعمونا وساندونا ولسه بيدعموا كل الشعوب اللي انتفضت ضد أنظمتها لاسترداد الحق الفلسطيني، شكرًا لمحور المقاومة وأداؤه، شكرًا للصبر والصمود وتحية كتير كبيرة لأهلنا في قطاع غزة وفي الضفة الغربية وفي القدس وبنشد على إيديهم وبنقول العودة أكيدة، إحنا يعني لسا في رحاب النكبة يوم النكبة 15 أيار، لكن إن شاء الله بتكون نكبة لنهاية الاحتلال وعودتنا إلى فلسطين الحرة الأبية ونصلي جميعًا في القدس وإن شاء الله ترجع فلسطين دولتنا الحرة الأبية بدون احتلال بدون طغيان بدون يعني النازية الصهيونية، شكرًا لكم وأي أسئلة أنا جاهزة سلام.

⭕⭕ ملتقى الكاتبات الثائرات

الدكتوره مريم ابو دقه القيادية في الجبهة الشعبية

كيف تتعامل المقاومة الفلسطينية تجاه الأسرى الصهاينة مقابل ما يتعرض لهُ أسراها في الطرف الأخر ؟

🛑🛑

⬇️⬇️⬇️

طبعاً وفي سؤال حول هم بيفكرونا مثلهم عم نعذب الأسرى بس أنتوا شفتوا عند تبادل الأسرى لما سلمت المقاومة الأسرى باحتفالات وبكانوا مرتبين ولابسين أحلى لبس وأعطوهم هدايا وكرموهم لأنه إحنا دينا وأخلاقنا ما بتسمح إلنا نكون زيهم همج هم همجيين وهذا غاظهم لذلك كانت بالتبادل الأخير شرط إنه ما يصير هاد الشكل في يعني تسليم الأسرى والمهرجانات اللي كانت المقاومة تعملها.

وبالتالي اضطرت المقاومة إنه على أساس يعني تخلص من هلقصة بس هم عارفين الحقيقة إنه راحوا يعني كأنهم طالعين من حمام بصراحة ولا محل كوافير بينما أسرانا أجو محملين بتوابيت في منهم شهداء وفي منهم جرحى ومكسرين ومرضى يعني شتان في فرق كثير كبير.

⭕⭕ ملتقى الكاتبات الثائرات

كيف تعامل الأسيرات مع بعضهن البعض داخل السجون ؟

🛑🛑

⬇️⬇️⬇️

بالطبع، أود أن أخبركم عن وقت دخولي السجن لأول مرة. شعرت، كما شعر بقية الأسرى الآخرين، بأننا كنا نختنق.

أعني أننا شعرنا وكأننا سنموت، لم يكن هناك أكسجين. لكن من خلال وقوفنا معاً، بدأنا في دعم بعضنا البعض. كان الصغار يستمعون إلى الكبار، وكنا نحترم بعضنا البعض. كان معظمنا في نفس العمر تقريباً، حوالي 14 أو 15 عاماً. وعندما تنضم إلينا امرأة أكبر سناً، كانت تحتضننا كأم.

بدأنا نجد طرقاً لتمضية الوقت. على سبيل المثال، كنت أكتب. كتبت قصائد في السجن عن كل ما كان يؤلمنا. كما كتبت قصصاً عن الفتيات في السجن. تعلمنا الأهازيج والأغاني، وكنا نؤلف أغاني وطنية.

أصررنا على أن يعلمنا حراس السجن اللغة العبرية حتى نتمكن من فهم ما يفعلونه بنا. على سبيل المثال، عندما كانوا يعذبونني، كلمة "سليخا" بالعبرية تعني "آسف"، لكن عندما سمعتها وهم يضربونني، اعتقدت أنهم سيقومون بسلخي (كلمة سليخا تشبه كلمة سلخ بالعربية). لم يسبق لي أن تعرضت حتى لصفعة في المنزل، لذا نسيت أمر الضرب وبدأت أتساءل كيف سيسلخون جلدي وكيف سأتحمل ذلك.

لاحقاً، عرفت المعنى الحقيقي. لذا، أصررنا على تعلم العبرية. وكما يقول المثل: "من تعلم لغة قوم أمن مكرهم". قالوا لنا أن نعلمهم العربية، فقلنا لهم علمونا العبرية لنتمكن من فهمكم. عندما كانوا يشتموننا، كنا نرد عليهم الشتائم. كنا نغني لاستفزازهم، ونخوض إضرابات، ونغني الأغاني الوطنية معاً قدر الإمكان، ونقص القصص على بعضنا البعض.

كما جعلونا نعمل لكي يستفيدوا منا. وفي الوقت نفسه، وبالتدريج، وبعد الإضرابات والاعتصامات وإضرابات الجوع، حققنا بعض التقدم. أحضروا لنا مراتب (فراشات)، حيث كنا ننام على الأرض. كما أحضروا لنا كتباً، رغم أنه لم يكن لدينا ورق ولا أقلام. تمكنا من تحسين وضع الأسرى مقارنة بما كان عليه في البداية.

ومع ذلك، بعد "طوفان الأقصى"، سلبوا الأسرى كل إنجازاتهم. كلكم يتذكر قصة خالدة جرار، التي توفيت ابنتها قبل شهر من إكمال محكوميتها، ولم يسمحوا لها بتوديعها.

بالمناسبة، كان التضامن بين عائلات الأسرى ودعم الشعب الفلسطيني مذهلاً. قبل أن أُعتقل، كنت أسمع في الراديو عن تعذيب الأسيرات. كانت أمي تقول: "انظري كيف يعذبون الفتيات". كنت أفكر: "هؤلاء بطلات فلسطينيات، وماذا ينقصني؟ أريد أن أكون مثلهن وأرى كيف يلتف الشعب الفلسطيني حولهن".

كنا جميعاً نتنافس لتقديم نموذج للقوة للمرأة. تطلعنا إلى شخصيات مثل عائشة عودة، ورسمية عودة، وعبلة طه، وفاطمة برناوي، ونهلة البايض – الأسيرات الأوائل. سعى الجميع منا ليكون مثالاً للقوة للمرأة. رأينا وجودنا كوسيلة لمشاركة المرأة في النضال. نحن أيضاً نعاني ونحب وطننا، ولذلك نريد أن نكون ناشطات.

من خلال تضامننا ووحدتنا ومقاومتنا الجماعية ضد السجان وظروف السجن، تمكنا من تحمل التعذيب والإذلال وسنوات السجن القاسية. السجن مدرسة. كانت أمي تقول لي قبل أن أدخل السجن: "ما لا يعلمك إياه أهلك، سيعلمك إياه الزمن". كانت هذه أول رسالة أرسلتها لأمي مع الصليب الأحمر؛ أخبرتها أن الزمن قد علمني بالفعل. كانت حزينة جداً لأنني كنت أعاني.

كان المخبرون يضغطون على والدي وعائلات جميع الأسرى، قائلين لهم: "ابنتكم تعاني"، للضغط على العائلة. لكن عائلاتنا كانت بطلة. تخيلوا، كنا نصنع السُّبحات من نوات الزيتون ونرسلها هدايا لعائلاتنا. ثم بدأنا في إدخال بعض الأشياء ليعمل عليها الأسرى، والتي كانت ثمينة جداً لأنها كانت من صنع المعتقلين.

لكن الآن، للأسف، جردونا من كل شيء. نأمل أن ينتهي السجن بنهاية الاحتلال. لقد علمنا السجن الكثير؛ علمنا القوة، والصبر، والتحدي، ووسع آفاقنا، وساعدنا على فهم عدونا بشكل صحيح لأننا كنا في تماس مباشر معهم وعرفناهم حقاً.

أتذكر أنني قلت في المحكمة إنه يجب على الجميع دخول السجن ليعرفوا عدوهم عن قرب. في كل بيت فلسطيني، يوجد أسير أو شهيد أو جريح أو مفقود. هذا هو حالنا. نأمل أن تنتهي هذه المعاناة بالحرية والاستقلال وعودتنا جميعاً إلى فلسطيننا الحبيبة. وليتنهِ الاستعمار في منطقتنا العربية والعالم، لأن الحروب دمار للشعوب ولمستقبلنا الجماعي.

⭕⭕ ملتقى الكاتبات الثائرات

كيف كانت معناويتكم أمام هذا المحتل الغاصب داخل سجونه؟

🛑🛑

⬇️⬇️⬇️

معنوياتنا كانت دائما بالسجن عالية، ما كنا، يعني أنا دخلت السجن كان ممنوع أبكي، ولا أيا، لما بدي أحس إني أطم راسي عالأرض وأعمل حالي نايم، ما نفرح الاحتلال بنقطة ضعف، أبدا.

يعني إمي وهية بتط، لما إجوا اعتقولوني في البيت وطوقوا البيت قالتلي "لا إنت بنتي ولا بعرفك إذا بتعترفي على حدا، بتكوني خاينة والشعب بطخك". كانت هادي العبارة أعطتني قوة، وخلتني دائما أتذكر كلام إمي، لازم أكون قوية ومش لازم يعني أتعب، رغم خوفي الشديد إنه إمي تموت أو أبوي أو حدا من عيلتي وأنا بالأسر وما أشوفهم.

ويعني إن، طبعا بعد الإبعاد، يعني أبوي مات وما شفته، وأختي ماتت، يعني بنشوف مرارة بس تعودنا، نصبر ونقول هدا حالنا طول ما الاحتلال موجود بدنا يعني نواجه كثير من المشاكل والعذابات وطريق الحرية مليء يعني بالأشواك، ولكن النهاية أكيد الحرية والاستقلال.

⭕⭕ ملتقى الكاتبات الثائرات

هل كان العدو يخيفكم داخل السجن أم كنتم أنتم الأسرى تخيفونه؟

🛑🛑

⬇️⬇️⬇️

طبعا كانوا بحطولنا عميلات في داخل السجن، مشان يأثروا على نفسيتنا، بس زي ما قلتلكم كنا ما نخليهمش، نموتهم من الخوف، ونقولهم إحنا يعني مناضلات.

كانوا مرات ينادوا علينا يا إرهابيات، لما يجوا يعني يزورونا بعض الأجانب، ينادوا علينا الإرهابية مريم، الإرهابية فاطمة، الإرهابية... فإحنا مكناش نهتز ولا نتأثر، وكنا يعني ما نهتم اطلاقا.

فكان هاد يغيظهم، نقعد نغني ونطبل، بأغاني وطنية طبعا، يقلولنا إيش بتغنو؟ نقلهم بنغني أغاني عاطفية، بدهمش ما يفهموا علينا، ومرات يطلعونا يضربونا بالكارابيج ومرات يعني يعاقبونا عقوبات، ممنوع نطلع فورة، ممنوع... ما كناش نتأثر يعني، وكنا نواجه بس كيف؟ بشكل جماعي.

كنا مع بعض، يعني موحدين، القوة دائما بوحدة الإرادة ووحدة النضال، ولما بشوفونا مع بعض كانوا ينجنوا، إنه يعني بدهم يمزعونا تمزيع، ولكن كنا مع بعض يعني نتعاون في كل إشي، وصبورات، وبعدين أهلنا كانوا يدعمونا وشعبنا كان يدعمنا ودائما معنوياتنا عالية، ونعتبر حالنا مش عاملين إشي غلط، عاملين إشي بيرفع الراس.

فليش يعني كنا ما... كنا يعني أكيد بنتعذب إنه الحرية القيد صعب، وبتلاقي حالك في سجن مسكر عليكي كتير سيئ، لكن في الآخر كنا نقول هاد ثمن لازم ندفعه كمناضلين، وعادي.

⭕⭕كيف يعيش الأسرى الفلسطينيين داخل هذا السجن المظلم والتي يحكمها عدو محتل لا ذمة ولا رحمة لديه ؟

🛑🛑

⬇️⬇️⬇️

الأسرة بيعيشوا أوضاع كتير سيئة في السجون، بتسمعوا الأخبار انتو ولا ما بتتابعوا؟

الأسرة بيتعرضوا لكلاب بينهشوا فيهم، الأمراض المنتشرة فيهم، بدعسوا عليهم، سحبوا منهم الأغطية والملابس، ممنوع الزيارة، الأكل تقشفي، مرضى فش علاج الهم، فش محاميين، في عزل، في اعتداء جنسي عليهم، حياة مش ممكن تكون حياة ولا أصلاً ولا سجن غوانتانامو، يعني لازم تتابعوا الأخبار وتشوفوا شو اللي بيجرى لانو أسرانا بيعيشوا الموت كل يوم.

وهلا الأسيرات في سجون الديمون ، عذابات شديدة وعقوبات عليهم وحرمان ويعني منع، منع الحياة منعهم من التنفس.

⭕⭕ ملتقى الكاتبات الثائرات

هل هناك رسالة أو تحية تودون إيصالها ؟ وماهي ؟

🛑🛑

⬇️⬇️⬇️

طبعاً إحنا بدنا نحيي كل المتضامنين معنا، وبشكل خاص أخواتنا وإخوتنا في اليمن، اليمن الشقيق، المقدام، الأبي، قيادةً وشعباً وقواتٍ مسلحة. أهلنا وأخواتنا والمقاومة، محور المقاومة في اليمن، وفي لبنان اللي بيخوض نضاله حتى اللحظة بشكل رائع، وكذلك في العراق وفي إيران وفي فلسطين طبعاً، في القدس وفي الشتات، وكل الحركات الشعبية اللي بيخوضها نساء ورجال في الشوارع في أوروبا وفي أمريكا ضد الفاشية وضد الإمبريالية وضد الكيان الصهيوني، وبالعلم الفلسطيني اللي اخترق كل المناطق وكل البلدان.

بدنا نقول لكل النساء، حرية المرأة في الحقيقي هي بحرية وطنها، والمرأة الفلسطينية مقتنعة تماماً مفيش لها حرية بدون حرية وطن، بدون استرجاع الوطن والنصر الحقيقي لنا، إحنا واحد، عدونا واحد، المرأة ومشاركتها في النضال واجب وفرض وحقيقة، لإن العدو لا يفرق بين امرأة ولا رجل ولا طفل، 72 ألف، 73 ألف شهيد وشهيدة في فلسطين، 72 بالمية منهم نساء وأطفال، والـ 10 آلاف مفقود، 72 بالمية منهم نساء وأطفال، وأيضاً تحت الركام مازالوا، وأيضاً يعني الجرحى 172 ألف، 72 بالمية منهم نساء وأطفال.

هؤلاء قضية كل امرأة وكل رجل، وبنقول للنساء تقدموا إنتوا الجيش الجرار المهم، ما في ثورة بتنتصر بدون مشاركة النساء، وبالتالي بنقول حريتنا وحدة وعدونا واحد، طريقنا واحد هو الحرية والنضال من أجل الحرية والكرامة، لإنه في ناس كتير عايشة بس هم أموات وفي أموات وهم يعني شهداء أحياء عند ربهم يرزقون، وهم عايشين في قلوبنا وفي ذاكرتنا، وهم قدوتنا وهم فخرنا وهم أنبل بني البشر.

تحية إجلال لشهداءنا وشهيداتنا، وأيضاً الحرية لأسرانا وأسيراتنا، والشفاء العاجل لجرحانا وجريحاتنا، والنصر لشعبنا كل شعبنا العربي وفي مقدمته الشعوب المكافحة من أجل حريتها وكرامتها، واسمحوا لي أوجه تحية لأسرانا في سجون الاحتلال وأميننا العام القائد أحمد سعدات ومروان البرغوثي وكل رفاقه ورفيقاته، وأيضاً أحيي المقاومة الفلسطينية في غزة وفي الضفة وفي القدس وأينما وُجد مناضل فلسطيني وعربي له كل التحية أينما كان وكيفما كان، تحياتي إلكو جميعاً.

⭕⭕ ملتقى الكاتبات الثائرات

ضيفنا العزيزة المناضلة الدكتورة مريم أبو دقة من قطاع غزة القيادية في الجبهة الشعبية والأسيرة المحررة، شرفتنا بحضورك اليوم شكراً جزيلاً لك وعلى تواجدك معنا وعلى هذا التقديم والطرح وعلى هذه الروايات التي أنرتنا بها لتقشعر الأبدان ولتتحرك في مناصرة الأسرى الفلسطينيين.

شكراً جزيلاً لكم، سائلين من المولى عز وجل أن يكتب أجركم وأن ينصركم وأن يعينكم في موقفكم هذا.

🛑🛑

⬇️⬇️⬇️

شكراً لكم وإلى اللقاء إن شاء الله في فلسطين، في القدس جميعاً والنصر لنا جميعاً، شكراً لكم ويعطيكم ألف عافية، إلى اللقاء.

⭕⭕ ختاماً تحياتنا لكم جميعاً من ملتقى الكاتبات الثائرات

شارك في هذا الحوار عدد من كاتبات الملتقى:

#الكاتبة رغد عشيش

#الكاتبة عفاف السدمي

#الكاتبة راية الإسلام

#الكاتبة فاطمة الديلمي

#الكاتبة الجليلة عيشان

#الكاتبة علياء هاشم